jaat ahar, bhasa ahar prachinotto baro historic proman ou bhasar lokosahityai der. bhasa ahan kotihan beboharik bhasahan asil, bisesh koria amar bishnupriya manipuri bhasa ehan, ouhanor pou ami amar purana lokosahityar ma peyar. pourei(proverbs and idioms) bultara eta bhasa ahar dangor sompod. 600/700 bosor age amar somajhar chinta-chetona ba jibondhara kisade asil ouhar chitrogo ou someikar poureit ami sha sha kore dehiyar.
pourei eta poromporat pasi somajor obhiggota. tanur gyan, tanur buddhi, hoba, hobanei jehan pasi ouhan chhondolo, olongkarlo, upoma-rupoklo sajeya amarka thodesita. ami tanur bhasa baro chinta ouhanilo jibon ehanore dehiar. pourei etar mingale ami seitto hanore peya ouhanore grohon koriar.
eta sadharon bhasalo matesi sadharon kotha nagoi, osadharon kotha outa sohoj koriya sadharon koriya matesita. sohoj kotha uhanor ma ase gobhir ortho. kengkoresi outa dangor shilpi akeigo.digol yari ahane, lecture ahane jehan mate narer ouhan pareng aakhanath matiya foukore der pourei ahane.
OJAR LOGE RAJA NUWARER – ehan dangor satyahan. baro OJAR BARADE JOLSITA – ehanou arak satya ahan. OJAGORE KOJA KHAWANI, OJAR NANGE PORUWAR BARTON – ere pourei eta mar ahigi melader.
Pourei- kotha ehanor ortho ahan peyar ‘agekar yari’,itihas. poirei eta amar loko itihas. somajor bises ghotona ahan thaite thaite poureihan olose. SWARUPAR KIRTON – pourei ehat ase Swarupa buliya girok agoi kirtan koriuru buliya barton diya loyoitega kittau ayujon nakoriya koresil ghotona ouhan lukeya ase. aji peryao esade samantoral ghotona ahanore SWARUPAR KIRTON bulia mattara. Swarupa ego kurangkargo kun loyargo mate narleo tar kamhan pourei han oliya jingta oya ase.
BOLOR BAPOKOR LAMUISING THELANI- poirei ehat manugore namatiya putokorelo porichoi desi. ere girokgaso etai koriya gesiga kam outarka somajhane tanure omor koriya thoila. tanur kotha etare haisso roslo ghohon korla. hin duk yarou koulir hadit samaj ehan jingta oya asi ehan pourei nikaliya harpuasi. dukkho hanore ahir panilo na ngokkoria – muksihanlo marupgo koranir hothna dehorang.
kuno kuno poureit samajhanore niya bidrup baro samaluchonar porichoi peyar. jemon – MI THAITE KHAIGOI KIYA BOKSAHAN BOYA HIMPEITOITA – ehat amar slave mentalityr porichoi peyar, uddeissohan ere aghat ehanlo nojore hojak korani.
pourei akeihanath yari akeihan lukiya ase. poureir ma amar apabopar jibondhra, asila lam ouhar geography, sangskriti, achar bebar ritiniti habi mengselhar sadane dehe pariyar.
Sri Bimol Singha baro Sri Brajendra Kumar Singha girok dogiye nyam hothna koriya bishnupriya manipuri tharor lamsam di lising pourei khomkoresi baro outa ‘pourei’ nangor lerik (agartala, tripura, 1988) ahanat saatkoresi. girok dogirang bishnupriya manipuri somaj harajibonorka rini iya thaitai soinei. epei bishnupriya manipuri lokosahityar barongotto amritor sade nungsi pourei kotohan habir ka tuledilu –
- OITE AHAN MATTE PAACH HAN
- AATJAANG MUJURIYA KHANGKORANI
- AALIYAR GOJE PATA BORON
- AATELHANE BAARHAN PHANI
- AAHIGIDE JINJINI NIKULANI
- ICHAR FAL BOISAR FAL DENA
- URADARAR DOUGO
- UHULA AARIGO
- EK DEBA EK SEBA
- E JONOME, NA HOU JONOME
- EGODE BINI HOUGODE PIHA
- EMARI BARTON BULTE KIRTON
- ER BULLE ER, TITI BULLE TITI
- KO BULTE KISHNO NINGSING ONA
- KOSUJARE FARSI DENA
- KOCHKO KAPIYA KHANA
- KAKARA DORTEGA HOROP DORANI
- KANA UTONGE PANI DALANI
- KANA MONE MONE JANA
- KARTAU THASI KARTAU JUNAK
- KISNORE PEILEU LEISI KHANA
- KHER MARA DENA
- GOR PEITE NOU BURANI
- GORE BAT NEILE BELITIKE KOULI
- GUCHARITH PARA DENA
- CHOROR MAAL ORE GATANI
- CHENGEIT PORA IDURGO
- CHHINCHUR MAROITH AANDI
- JANGLO JI THELANI
- JELA CHAKUMOR KHALE BELA
- TE BULTE TENGARAGO HARPANI
- DIGALI BONHAN PATHARI NAKORANI
- TINGA MEKUROR LEJ NUKANI
- TOR GORE TI DANGOR, MOR GORE MI
- DILE HOBA NADLE SHAKTI
- NIJOR AAT JOGONNATH
- PAAPHANE SERHAN PHANI
- BOBEIR HUTA DONANI
- BAATTI MANUR BUDDI NIYAM
- BATOR GOJE BERENGA
- BAPOKOR PUTOK, MALOKOR JILOK
- BITOREDE BON KAPANI
- BUALE LEHUE BEIBUNI
- BOU KHEYA SEP AAGANI
- MANGKHEIR PATAT THAKORIYA BESANI
- LANGTIYAR SIRAPE GURU NA MORTARA
- LONKAAT GIYAU OLOI
- SHANI SEBAT KIRTONOR KHUTTEI
- SOMOYE PORLE BAAKGOU AATHALI KHAAR
- HAGEDE SEP BELLE NIJORANG LAGER
- HARIR LILA MAKORO JAAL
- HUKANAT PARON PATANI
- HUCHIGO PORLEU DEHANI
- HUNA THAITE KASUR BEBSA
pullap kore itihashan na peileu bishnupriya manipuri jator tuma tuma itihasor shakkhi oya ase pourei eta. pourei etar ma manipuror matir loge amar jaathar marengor somporkor nanan yaripori lukia ase.amarka amar apabopai tanur gyan, dharona, upodesh, boktobya baro obhiggota outa kobittolo sajeya thodiya gesiga. ami etalo nojore, nojor kola-kristi-culture baro sahityare saja pariyar. na sajeileo amar dhan amar barongot thaile ami bora oyar.
Me And My Manipuri Things 